အေးမြတေးသံ

*        မှောင်နှင့် မည်းမည်း၊ တောနက် ထဲဝယ်
          ခက်ခဲ မတ်စောက်၊ ကွေ့လိမ်ကောက်သော
          တစ်ယောက် သွားသာ၊ လမ်းမှ လာ၍ ---- ။
*        ဝက်ဝံ သစ်ကျား၊ သားရဲ များ၏
          ကြီးမား အန္တရာယ်၊ အသွယ်သွယ် ကို
          သွေဖယ်ရှောင်ကွင်း၊ ရဲစိတ် သွင်း၍ ---- ။
*        နှစ်ရက် သုံးရက်၊ ရက်ဆက် ခရီး
          အရှည်ကြီး ကို၊ ငြီးငွေ့မောဟိုက်
          ရင်ထဲ လှိုက်ဖို၊ စိတ်ထဲ ငို၍ ---- ။
*        ပညာဝေငှ၊ စာသင်ပြဖို့
          ဝေးလှသီခေါင်၊ သည်ရပ်ချောင် သို့
          တောတောင်ဖြတ်ကာ၊ ရောက်ခဲ့ ရာဝယ် ---
          ရင်မှာ မချိ၊ ညည်းတွား မိလည်း ---- ။
*        ကျောင်းတော် သာမှ၊ အေးချိုမြသော
          ကြားရ ပီယံ၊ ခေါင်းလောင်း သံနှင့်
          ညံညံ ပဲ့တင်၊ တေးသံရှင် တို့
        
  “မင်္ဂလာပါ၊ တို့ ဆရာ” ဟု
          ညီညာသီကြွေး၊ မေတ္တာတေးကြောင့်
          ချွေးစက်ခြောက်ခမ်း၊ ရင် အနွမ်းတို့
          ငြိမ်းချမ်း လွင့်ပြယ်ခဲ့ပြီတည်း။    ။
Written by ကိုမျိုး (ဇလပ်မြေ)
ပညာတန်ဆောင် မဂ္ဂဇင်း
အတွဲ (၄၈) အမှတ် (၅)၊ မေလ၊ ၁၉၉၉ ခုနှစ်