ကိုယ့်ကိုယ်ကိုယုံကြည်မှုတိုးပွားစေမယ့် နည်းလမ်း ၈ သွယ်

အလုပ်မလုပ်ရသေးခင် ငါလုပ်တာ ဟုတ်မှဟုတ်ရဲ့လားလို့ မယုံမကြည်ဖြစ်နေရင် ဘာကိုမှ ဖြစ်ဖြစ်မြောက်မြောက်လုပ်ရဲမှာ မဟုတ်ပါဘူး။ ဒီအခါ အောင်မြင်မှုလည်း မရနိုင်ပါဘူး။ ဒါကြောင့် ကိုယ့်ကိုယ်ကို ယုံကြည်မှုဟာ အောင်မြင်မှုရဲ့ အကြောင်းရင်းခံလို့ ပြောနိုင်ပါတယ်။
ကိုယ့်ကိုယ်ကို ယုံကြည်မှုတိုးပွားဖို့ အခုအချိန်က စပြီး လေ့ကျင့်နိုင်ပါတယ်။

၁. ကိုယ့်ကိုယ်ကို ရိုးရိုးသားသားပြန်ကြည့်ပါ

မာနကြီးတာနဲ့ ယုံကြည်မှုရှိတာ မတူပါဘူး။ မာနကြီးတယ်ဆိုတာ
ကိုယ့်ကိုယ်ကို ထင်တစ်လုံးဖြစ်နေတာပါ။ ယုံကြည်မှုရှိတာကတော့ ကိုယ် အလုပ်တစ်ခုကို လုပ်နိုင်မယ်လို့ သိတာဖြစ်ပါတယ်။ တနည်းဆိုရရင် ယုံကြည်မှုဆိုတာ ကြိုးစားပန်းစားအလုပ်လုပ်ကိုင်ခြင်းကနေ ရလာတဲ့ ရလဒ်ဖြစ်ပါတယ်။
မှန်ကန်တဲ့ယုံကြည်မှုကို စစ်မှန်တဲ့ဘဝကပဲ ရနိုင်ပါတယ်။ ယုံကြည်မှုတိုးပွားဖို့ ကိုယ့်အရည်အချင်းတွေကို မထောက်မညှာဘဲ မှန်မှန်ကန်ကန်ဆန်းစစ်ရပါမယ်။ ကိုယ် ဘာတွေတော်လို့ ဘာတွေညံ့လဲ။ ကိုယ်တော်တာတွေကို အားကောင်းအောင် ဘယ်လိုလုပ်မလဲ။ ညံ့တဲ့အချက်တွေကို ပစ်မထားဘဲ ဘယ်လို ကောင်းလာအောင် လုပ်မလဲ။ ဒါတွေကို ကြိုးပမ်းသင့်ပါတယ်။ ကိုယ်တော်တာတွေကို အစွမ်းပြရမယ့်အချိန်မှာ သူများက ဘယ်လောက် ဝေဖန်နေပါစေ ယုံကြည်ချက်ရှိရှိ အစွမ်းပြနိုင်ပါလိမ့်မယ်။

၂. ဟင့်အင်းလို့ ပြောပါ

ကယ်လီဖိုးနီးယားတက္ကသိုလ်က ပြုလုပ်တဲ့သုတေသနအရ ဟင့်အင်းလို့ ပြောဖို့ခက်လေလေ၊ စိတ်ပင်ပန်းလေလေ၊ ကိုယ့်ကိုယ်ကိုယုံကြည်စိတ် လျော့ပါးလေလေပဲလို့ သိရပါတယ်။ မိမိကိုယ်ကို ယုံကြည်တဲ့သူတွေဟာ နိုးဆိုတဲ့စကားကို ရှင်းအောင် ပြောတတ်ကြပါတယ်။ လုပ်နိုင်မယ်မထင်ဘူးတို့၊ မသေချာဘူးတို့ မပြောကြပါဘူး။ ကိုယ်ငြင်းဆန်တဲ့အကြောင်းကို ပြတ်ပြတ်သားသား သိစေခြင်းဖြင့် ဝိရောဓိဖြစ်ပွားမှုတွေ ကင်းရှင်းစေပါတယ်။

၃။ ကိုယ့်သူဌေးနဲ့ အဆင်ပြေပါစေ

သူဌေးနဲ့ ဆက်ဆံရေးအဆင်မပြေတာဟာ အစွမ်းအစအရှိဆုံးသူတစ်ယောက်ရဲ့ ကိုယ့်ကိုယ်ကိုယုံကြည်မှုကိုတောင်မှ ပျက်စီးစေပါတယ်။ ကိုယ့်လုပ်ပုံကိုင်ပုံတွေကို သူဌေးက တချိန်လုံး အပြစ်ရှာနေရင် ကိုယ့်ကိုယ်ကို ဘယ်လိုယုံကြည်နိုင်ပါတော့မလဲ။ သည်တော့ ဆက်ဆံရေးဘာကြောင့် ဆိုးဝါးသွားတာလဲလို့ အဖြေရှာပြီး ကြိုးစားဖြေရှင်းကြည့်ပါ။ တကယ်လို့ လုံးဝမဖြေရှင်းနိုင်ဘူးဆိုရင် တခြားနေရာကို သွားဖို့ အချိန်တန်ပါပြီ။

၎. အောင်ပွဲငယ်လေးတွေ ရှာဖွေပါ

ကိုယ့်ကိုယ်ကို ယုံကြည်တဲ့လူတွေဟာ ကိုယ့်ကိုယ်ကိုစိန်ခေါ်ပြီး ကိုယ့်ကိုယ်ကို ယှဉ်ပြိုင်တတ်ပါတယ်။ ကိုယ့်အောင်မြင်မှုတွေဟာ ဘယ်လောက်ပဲသေးငယ်သည်ဖြစ်စေ ဦးနှောက်ရဲ့ ဆုချီးမြှင့်မှုနဲ့ လှုံ့ဆော်မှုနယ်ပယ်တွေမှာ ထွန်းလင်းတောက်ပစေပါတယ်။ အဲသည်လို ထွန်းလင်းတောက်ပလေလေ ကိုယ့်ကိုယ်ကို ယုံကြည်မှုတိုးပွားလေလေ နောက်ထပ် စိန်ခေါ်မှုတွေကို လက်ခံချင်လေလေပါပဲ။ သေးငယ်တဲ့အောင်မြင်မှုတွေ ဆက်တိုက်ရပြီဆိုရင် ကိုယ့်ကိုယ်ကိုယုံကြည်မှုဟာ လပိုင်းများစွာကြာအောင် မြင့်တက်နေနိုင်ပါတယ်။

၅. ဆရာတစ်ယောက်ကို ရှာဖွေပါ

ကိုယ့်စိတ်အားငယ်မှုတွေကို ကုသပေးပြီး ယုံကြည်မှုတိုးပွားစေဖို့ ဆရာတစ်ယောက်ထက် ပိုကောင်းတာ ဘာမှမရှိပါဘူး။ နည်းပေးလမ်းပြဆရာတစ်ယောက်ဟာ မှန်လို ကျင့်ကြံပြီး ကိုယ့်လိုအပ်ချက်တွေကို မကွယ်မဝှက်ထောက်ပြနိုင်ပါတယ်။

၆. လေ့ကျင့်ခန်းလုပ်ဖို့ အချိန်ပေးပါ

အရှေ့ပိုင်း အွန်တာရီယို သုတေသနအင်စတီကျုလေ့လာမှုအရ တစ်ပတ်ကို ၂ ကြိမ်နဲ့ ၁၀ ပတ်ဆက်တိုက် လေ့ကျင့်ခန်း လုပ်တဲ့သူတွေဟာ လူမှုရေး၊ ပညာရေးနဲ့ အားကစားမှာ ပိုမိုစွမ်းဆောင်နိုင်တယ်လို့ ခံစားရကြောင်း သိရပါတယ်။ သူတို့ရဲ့ ခန္ဓာကိုယ် တိုးတက်လာတယ်လို့ ခံစားရပြီး ကိုယ့်ကိုယ်ကို ယုံကြည်မှုလည်း တိုးပွားလာပါတယ်။

၇. လှလှပပ သပ်သပ်ရပ်ရပ် ဝတ်ပါ

တောင်းမှာအကွပ်၊ လူမှာ အဝတ် ဆိုတဲ့စကားအတိုင်း ကျွန်မတို့ရဲ့ ဝတ်စားဆင်ယင်ပုံက လူတွေရဲ့အမြင်ကို ပြောင်းလဲစေနိုင်ပါတယ်။ ဒါတင်မက ကျွန်မတိုိ့အဝတ်အစားဟာ ကျွန်မတို့ကိုယ့်ကိုယ်ကို မြင်တဲ့အမြင်ပေါ်မှာလည်း အကျိုးသက်ရောက်မှုရှိပါတယ်။ လေ့လာမှုတွေအရ လူတွေဟာ သားသားနားနားဝတ်စားချိန်မှာ စကားပြောပုံနဲ့ သာမာန်ဝတ်စားချိန်မှာ စကားပြောပုံ မတူဘူးလို့ တွေ့ရပါတယ်။ အဲသည်တော့ ကိုယ့်ကိုယ်ကိုယုံကြည်မှုတိုးမြင့်ချင်ရင် သားသားနားနားဝတ်ပါ။

၈. ကိုယ့်ကိုယ်ကို ယုံပါ၊ ရန်မလိုပါနဲ့

အငြင်းအခုန်သန်တာ၊ ရန်လိုတာဟာ ယုံကြည်မှုမဟုတ်ပါဘူး။ အနိုင်ကျင့်ချင်စိတ်ပါ။ ကိုယ့်အတွင်းစိတ်မှာ မလုံခြုံတဲ့အခါ ဆတ်ဆတ်ထိမခံဖြစ်တတ်ပါတယ်။
သည်အချက်တွေ အားလုံးပေါင်းပြီး ကျင့်သုံးကြည့်ပါ။

ကိုယ့်ယုံကြည်မှုကို ကိုယ်ပဲ မြှင့်တင်နိုင်၊ ရိုက်ချိုးနိုင်ပါတယ်။ ကိုယ့်ကိုယ်ကို ယုံကြည်မှုဟာ “အကောင်းဆုံးကို မျှော်လင့်ထားတယ်” ဆိုတာထက် ပိုပါတယ်။ ကိုယ် လုပ်နိုင်တာ သေချာတယ်ဆိုတာမှသာ ယုံကြည်မှုအစစ်အမှန်ဖြစ်ပါတယ်။


Credit: စုပြည့်စုံ