ဘ၀ပင်လယ်အားမှန်ကန်စွာဖြတ်သန်းခြင်း

ဘ၀ပင်လယ်အားမှန်ကန်စွာဖြတ်သန်းခြင်း

'အဆွေတော်တို့……..လာကြလော့။တရားနာခြင်းငှာကျောင်းတော်ပေါ်သို့ သွားကြပါစို့။’ ငါးရာသောဥပါသကာအပေါင်းအားတရာနာသွားဖို့တိုက်တွန်းနေသောအတုလဥပါသကာ၏အသံကား သာဝတ္ထိမြို့တွင်းတစ်နေရာမှ ပျံ့လွင့်လာပါသည်။

အတုလဥပါသကာကားနောက်မှပါလာသောငါးရာသောအခြံအရံများအား'အဆွေတော်တို့ကြည့်ပါဦး။ဟော…ဟိုအပင်အောက်မှာသီတင်းသုံးနေတာ အရှင်ရေ၀တမထေရ်မို့လား။" ဟု ပြောလိုက်ပါသည်။

နောက်မှအခြံအရံများ၏အဖြေကိုပင်မစောင့်ဘဲ"သွားစို့အဆွေတော်တို့ အရှင်ရေ၀တမထေရ်ထံတရားနာရန်သွားကြပါစို့" ဟုပြော၍ရှေ့ဆုံးမှ ဦးဆောင်ကာသွားလေသည်။ အရှင်ရေ၀တံရှေ့သို့ရောင်လျှင်ရောက်ချင်းထိခြင်းငါးပါးဖြင့်ဦးချကာသင့်တင့်လျောက်ပတ်သောနေရာတွင်  ထိုင်လေသည်။

အရှင်ရေ၀တကားခြင်္သေ့ကဲ့သို့တစ်ယောက်ထီးတည်းကိန်းအောင်းခြင်းတွင် မွေ့လျော်သူဖြစ်ခြင်းကြောင့် အတုလဥပါသကာနှင့်အပေါင်းအပါတို့အားတစ်စုံတစ်ခုသောစကားမျှမဆိုချေ။

ဤမထေရ်ကား တရားနာလူသူကိုပင် တရားမဟောသည့်အပြင် တစ်စုံတစ်ရာသော စကားပင်မဆိုဟူ၍အမျက်ထွက်ကာ အရှင်သာရိပုတ္တရာထံသို့သွားလေသည်။သင့်တင့်လျောက်ပတ်သောနေရာတွင်ထိုင်ကာ အကြောင့်စုံအား လျှောက်ထားလေသည်။ထို့ကြောင့် တပည့်တော်တို့အား တရားရေအေးအမြိုက်ဆေးကိုတိုက်ကျွေးတော်မူပါဘုရားဟူ၍တောင်းပန်လေသည်။

အရှင်သာရိပုတ္တရာကိုယ်တော်မြတ်က ကောင်းပြီဒကာတော် ဟုဝန်ခံ၍ အလွန်သိမ်မွေ့နက်နဲလှသော အဘိဓမ္မာတရားတော်အား ဟောကြားလေသည်။

အတုလဥပါသကာစဉ်းစားသည်မှာ များစွာသော အဘိဓမ္မာတရားတော်သည် ငါ့အတွက်အဘယ်အကျိုးရှိအံ့နည်း ဟုတွေးကာ အမျက်ထွက်ပြန်လေသည်။ထို့နောက် ပရိတ်သတ်အားခေါ်ကာ အရှင်အာနန္ဒာထံသို့သွားလေသည်။

အရှင်အာနန္ဒာအားဖြစ်ကြောင်းအစုံကိုလျှောက်ထားပြီးနောက် တရားဟောပေးပါရန် တောင်းပန်လေသည်။အရှင်အာနန္ဒာသည် အတုလဥပါသကာတို့သိလွယ်စေရန် အနည်းငယ်သောတရားကိုသာဟောလေသည်။

ဒီလိုမျိုးတရားမျိုးလောက်တော့ ဒို့လဲသိသားပဲဟု အတုလဥပါသကာက ကဲ့ရဲ့ကာ မြတ်စွာဘုရားထံသို့သွားလေသည်။မြတ်စွာဘုရားရှင်သည် အတုလဥပါသကာအားမြင်လေသော် ဒကာတော် အတုလ အဘယ်သို့သော အကြောင်းကြောင့် ငါဘုရားထံလာသနည်း ဟူ၍နှုတ်ဆက်စကားအား မိန့်ကြားလေသည်။

ဘုန်းတော်ကြီးတော်မူသော မြတ်စွာဘုရား ဘုရားတပည့်တော်တို့သည် တရားနာရန်အတွက် အရှင်ရေ၀တထံသို့သွားပါသည်ဘုရား။အရှင်ရေ၀တကား တရားဟောဖို့မဆိုနှင့် အာလာပ သလ္လာပစကားကိုပင် မဆိုသဖြင့် အမျက်ထွက်ကာ အရှင်သာရိပုတ္တရာထံသို့သွားခဲ့ပါသည်ဘုရား။အရှင်သာရိပုတ္တရာမထေရ်သည် အလွန်ရှည်လျားလှသော အဘိဓမ္မာတရားကိုဟောသဖြင့် အကျိုးမရှိဘူးအထင်ကြောင့် အရှင်အာနန္ဒာထံသို့ သွားခဲ့ပါသည်။အရှင်အာနန္ဒာသည် အလွန်တိုတောင်းသော တရားကိုသာဟောခြင်းကြောင့် အမျက်ထွက်ကာ အရှင်ဘုရားထံသို့ ရောက်လာခြင်းဖြစ်ပါသည် ဟူ၍ ဖြစ်ကြောင်းကုန်စင်ကို မြတ်စွာဘုရားအားရိုသေစွာလျှောက်ထားလေသည်။

ချစ်သားအတုလ အန္ဓဗာလ ဖြစ်သော သူမိုက်တို့၏ ချီးမွမ်းခြင်း ကဲ့ရဲ့ခြင်း ပဓာနမဟုတ်။ပညာရှိတို့၏ချီးမွမ်းခြင်းသည်ပင်လျှင် ချီးမွမ်းခြင်း၊ကဲ့ရဲ့ခြင်းသည် ကဲ့ရဲ့ခြင်း မည်၏။လောက ၌

 ကဲ့ရဲ့လွတ်သောသူ၊ချီးမွမ်းလွတ်သောသူသည် နိတ္တိမရှိ ဟုပရိတ်သတ်လေးပါးအလယ်တွင် တင့်တယ်စွာ စံတော်မူ ၍

 အတုလဥပါသကာအားတရားဟောလေသည်။ဒေသနာတော်အဆုံး၌ အတုလဥပါသကာနှင့်တကွငါးရာသော ဥပါသကာအပေါင်းတို့သည် သောတာပတ္တိဖိုလ် တည်လေသည်။

တကယ်တော့ဘ၀ဆိုတာပင်လယ်နဲ့တူပါသည်။ဘ၀ဆိုသောပင်လယ်အားဖြတ်သန်းရာတွင်တစ်ခါတစ်ရံလောကဓံမုန်တိုင်းနှင့်ကြုံတွေ့ရတတ်ပါသည်။(လောကဓံတရားရှစ်ပါးတွင်အများဆုံး

ကြုံတွေ့ရသည်မှာချီးမွမ်းခြင်းကဲ့ရဲ့ခြင်းဖြစ်သည့်အတွက် ထိုအကြောင်းကိုသာ အဓိကရည်ရွယ်ထားပါသည်။)မိုးသက်မုန်တိုင်းကြောင့်ဦးတည်မောင်းနှင်နေသည့်ကမ်းနှင့်လွဲနိုင်သလို လောကဓံမုန်တိုင်းကြောင့်လည်း ကိုယ့်ရဲ့ရည်မှန်းချက်ပန်းတိုင်နှင့်သွေဖီသွားတတ်ပါသည်။ အထက်တွင်ဖော်ပြခဲ့သည့်ဥပမာအတိုင်းကဲ့ရဲ့ခြင်းမှလွတ်ကင်းသူဟူ၍မရှိချေ။ကောင်းတာပဲ

လုပ်လုပ်မကောင်းတာပဲလုပ်လုပ်ကဲ့ရဲ့ခံရမည့်အတူတူ ကောင်းတာလုပ်ပြီး ကဲ့ရဲ့ခံမှာလား မကောင်းတာလုပ်ပြီး ကဲ့ရဲ့ခံမှာလားဆိုတာ မိမိကိုယ်ကိုယ်ဝေဖန်သုံးသပ်လိုက်ပါ။ ဘ၀ဆိုသောပင်လယ်အားဖြတ်သန်းရာတွင် ပညာဟူသောလှော်တက်ဖြင့်တည့်မတ်ကာ မိမိရည်မှန်းချက်ဖြစ်သောကမ်း(ပန်းတိုင်)သို့အရောက်လှမ်းနိုင်ပါစေ။

အတုလဥပါသကာ(ဓမ္မပဒ-ဒု)၊အရှင်ဥာဏိဿရ(ဘ၀ဆိုတာပင်လယ်နှင့်တူတယ် တရားတော်) တို့အားကိုးကားသည်။

                                                                            တမာသားလေး(မတ္တရာ)